Herzlich Willkommen bei der Breo-Clique 1896. Bei uns können Mädchen und Jungen ab 7 Jahren das Pfeifen und Trommeln lernen und bis ins hohe Alter Fasnacht machen. Uns verbindet die lebendige Tradition der Basler Fasnachtskultur und so pflegen und geniessen wir auch ausserhalb der Übungsstunden ein geselliges Cliquenleben.

 Aktuell

E bäumigi Sach

Stamm Fasnacht 2023 - Sturm uff d'Demokratii

Den teils eisigen Temperaturen und Windböen trotzend haben wir eine perfekte Fasnacht verbracht. Unsere Hyänen haben den Cortège gestürmt und unsere fantastisch gemalte Laterne hat viele ins Staunen versetzt. Rundum ein gelungener Auftritt der Breo an der Fasnacht 2023, den wir alle nicht so schnell vergessen werden. 

Zeedel 2023 / Stamm

Mir sinn ame doote Punkt,
wo’s eifach nümm wytter goht
wie das het könne passiere,
das isch jetzt eigentlig gar nüm d Froog.
Mir sinn am e doote Punkt
und am Ändi vo miner Geduld.
S Syschtem isch korrupt,s isch alles kaputt
und Lüt wie Du sinn tschuld.
 
Ich ha vyyl z lang uff di gloost
und glaubt an dä grossi Bschiss,
aber nüt wird besser, es git stattdesse
nur fuuli Kompromiss.
Ich ha vyyl z lang an di glaubt,
und du hesch mini Flügel gstutzt.
Als Marionette, legsch du mi in Kette
und hesch mi numme benutzt.
 
Drum krüpple n’ich und kumm nit vom Fläck
die letschti Freiheit nimmsch mir ewägg,
vertiggsch se gratis an irgend e Grupp
e am Rand vo dr Gsellschaft, ich bi dir schnuppe.
Mi bindisch zrugg, Tag für Tag,
würdsch gärn kontrolliere, was ich sag,
damit kein merggt, wo’s klemmt im Syschtem.
Unser Syschtem – isch s Grundproblem. 
 
Demokratie! Demokratie!
Meh Rächt für anderi, nur nit für mi.
Ich ha di entlarvt, ich ha di durchschaut,
ich kenn dini Ziil und weiss was lauft.
Ich ha gseh, wie du heimlig Weiche stellsch,
wenn ich gang go stimme mi Stimm nit zellsch.
Ich ha gseh wie du uns alli kontrolliersch
und d Kinder im Schuelzimmer indoktriniersch.
 
Du verzellsch mir öppis vomene Wandel.
Du seisch e jede miess anderscht Handle.
Du predigsch Vertraue in Inschtitutione,
derbii verkaufsch du nur Illusione.
Du kunnsch mit Regle, kunnsch mit Verbott
keine het mi gfroggt, ob ich das au wott.
Nei! Ich will Freiheit! Das isch mi Primat.
Y bruuch nur mi sälber und sicher kei Staat.
 
Ich ha gnueg vo däm ganze Laade,
dorum gang ich hütt uff d Barrikade:
Gege d Demokratie, wo in d Sagggass gfiehrt,
gege e Minderheit, wo n-is kommandiert.
wo Wahle fälscht und Expärte schmiirt
und sich nur in dummi Ussreede verirrt.
Dorum mach mit, sig au derbii
mir stürme hütt d Demokratie!
 
Mir sinn parat für die grossi Jagd
mit Wuet im Buuch und au Waffe im Sagg.
Mir versammle uns hütte spoot in dr Nacht.
Mir spüüre’s, d Demokratie isch schwach.
Und die Schwache jage mr, bis si nümm könne,
mir stürze-n i’s druff, bisse zue und denne
risse mir sie in Fätze, Stück für Stück,
bis vo däm Bschiss nüt me übrig blibbt.
 
 
Mir risse alles, ob gross oder glai.
Mir sinn Hyäne – und die kömme nie elei.  
 

Wotsch mit uns Fasnacht mache?

Die Breo bietet Kindern und Erwachsenen die Möglichkeit, in die Fasnachtswelt einzusteigen und ein Teil dieser langen und lebendigen Kultur unserer Stadt zu werden. Melde Dich, wann immer Dich das Fasnaschtsfieber packt und Du pfeifen, trommeln oder als Vorträbler mit uns zusammen Fasnacht machen möchtest.

Käller zum vermiete

Unser Cliquen-Keller an der Bäumleingasse 13 kann auch von externen Personen gemietet werden. Der Keller bietet rund 50 Personen  Platz für einen gemütlichen Apéro, eine Geburtstags- oder eine Weihnachtsfeier - in Mitten der schönen Basler Altstadt. Erfahre mehr über den Keller und seine Geschichte.

Mehr als Fasnacht

Die Breo steht für mehr als drei Tage Fasnacht. Mit verschiedenen Anlässen während des Jahres sowie mit alten und neuen Traditionen hegen und pflegen wir die Fasnachtskultur und das Cliquenleben. Hier eine kleine Auswahl an Einblicken in unser Vereinsleben rund um die Fasnacht.